111 Сезон

«Сөясеңме, сөймисеңме...»

Автор: Флорид Бүләков

Моңсу комедия
Спектакль 2 сәгать 15 минут бара 
Спектакльнең премьерасы 2014 елның 4 октябрендә булды

             Авырып ятканда Картның күзенә әҗәл күренә һәм исән калырга бер мөмкинлек бирә: гомере озынайтылсын өчен ул өч сәгать эчендә бер изге гамәл кылырга тиеш була. Һәм алар карчыгы белән, ашыгып-кабаланып, нинди изгелек кылырга дип уйлаша башлыйлар. 
Алар нәрсә уйлап табарлар һәм шушы кыска вакыт эчендә өлгерерләрме? Бу өч сәгать бергә үткәргән соңгы мизгелләре булса, алар аны ничек уздырыр? Гомер буе иңгә-иң яшәгән карт белән карчык тормышларының асылына төшенә алырмы? 
            Җавап эзләп алар яшьлек хатирәләренә бирелә. Бергә кичергән якты мизгелләр һәм инде төзәтеп булмаслык хаталары белән бөтен гомерләре күз алдыннан үтә. 
«Бу пьеса – мәхәббәт хакында. Хәер, башка күп кенә пьесалар кебек үк, тик алардан аермалы буларак, кыска вакытлы шаулы мәхәббәт хакында түгел, ә көчле, бер гомер озынлыгына тиң сөю турында, - ди пьеса авторы Ф.Бүләков. – Әлбәтта, күп еллар эчендә әлеге мәхәббәт бәйрәмнәрне дә, гадәти көннәрне дә кичергән, тик тирәнлеген, көчен югалтмаган. Миңа калса, безнең һәркайсыбыз нәкъ шундый хисләр хакында хыяллана һәм шундый мәхәббәткә юлыккан кешеләр бәхетле». 

"Радик Бариев поставил спектакль не столько о любви, сколько о том, что кругом - смерть. Хорошо бы поторопиться сказать тому, кого любишь, что ты его любишь", газета "Вечерняя Казань".


"Театру им. Камала вновь удалось представить крепкий спектакль с непростым сюжетом для массового зрителя", портал "Бизнес-онлайн".



АФИША

22 июнь, 19:00
Билет алу