Моннан нәкъ менә 60 ел элек, 1958 елда, режиссер Ш.Сарымсаков, рәссам Ә.Тумашев, артистлар А.Хәйруллина, Х.Әбҗәлилов һәм Ф.Кульбарисов "Җилкәнсезләр" спектакле өчен ТАССРның Г.Тукай исемендәге Дәүләт премиясе белән бүләкләнә. 
"1958 елда куелган спектакль киң иҗтимагый яңгыраш ала, моңа тамашаның сәнгатьчә югарылыгыннан тыш, драматург Кәрим Тинчуринның данлы исеме реабилитацияләнү дә шактый булышлык итә. Мөгаен, эпик киңлеге, композиция төзелеше һәм характерларны тасвирлавы белән "Җилкәнсезләр" трагикомедиясе М.Булгаковның "Качу" әсәреннән калышмый дию һич тә арттыру булмас". 
Кадерле тамашачылар! Бүген 19.00 сәгатьтә, татар халкының бөек шагыйре Г.Тукайның туган көнендә, сезне К.Тинчуринның Г.Цхвирава куелышында "Җилкәнсезләр" спектаклендә көтеп калабыз!

Фотогалерея