Кичә, 17 октябрьдә Саба районы Шәмәрдән авылы лицеенда Г.Камал исемендәге Татар дәүләт Академия театры артистлары - Россиянең атказанган, Татарстанның халык артисты Илдар Хәйруллин, Татарстанның халык артистлары Фуат Әбүбәкеров, Луара Шакирҗанова, Татарстанның атказанган артисты Алмаз Сабирҗанов һәм театрның яшь артисты Артур Шәйдуллин белән иҗади очрашу үтте. Әңгәмә барышында артистлар сәхнә осталыгы серләре белән бүлештеләр, артист һөнәрен ничек һәм ни өчен сайлаулары, иҗади эшчәнлекләре турында сөйләделәр. Камаллылар, шулай ук, мастер-класслар да үткәрде. Чара истәлекле бүләкләр тапшыру һәм балаларны кызыксындырган сорауларга җавап бирү белән тәмамланды.