Дуслар җыелган җирдә / Чертов тост
Автор: Туфан Миңнуллин
Спектакль 1 сәгать 50 минут бара.
Спектакльнең премьерасы 2008 елның 16 нояберендә булды.
Театр репертуарында: 2008-2011.
1977 елда Марсель Сәлимҗанов тарафыннан сәхнәләштерелгән “Дуслар җыелган җирдә” пьесасы татар драматургиясенең классик әсәре булып таналап, театр җәмәгатьчелеге тарафыннан зур яңалык итеп кабул ителгән иде. Театр беренче тапкыр гади һәм ачык итеп тамашачыга татар иҗат интеллигенциясенең проблемалары турында сөйләде. Сәнгатьме яки карьерамы? Иҗатка тугры калыргамы яки үз-үзеңә хыянәт итәргә дә мөмкинме? Яшь режиссер Лилия Әхмәтова Т.Миңнуллинның бу драмасын менә шушы фикерләргә басым ясап тамашачыга яңача тәкъдим итә. Вакыт узу белән тормыш шартлары үзгәрә, ләкин проблемалар кала бирә. Режиссер һәм театрның иң яшь артситлары ансамбле (Фәрит Бикчәнтәев шәкертләре), пьесаның үзенчәлекле яңача трактовкасын табып, һәр кеше һәм һәр вакыт өчен актуаль булган “үзең булып кала белү” проблемасын күтәрәләр.
