Акылдан язган кеше язмалары / Записки сумасшедшего
Автор: Николай Гоголь
12+
Сатирик комедия. Спектакль 1 сәгать 30 минут бара.
Спектакльнең премьерасы 2010 елның 13 мартында булды.
Театр репертуарында: 2010-2013.
Н.В.Гогольнең “Акылдан язган кеше язмалары” – проза әсәре. Автор тарафыннан сәхнәдә куелуын күздә тотылып язылмавына карамастан, яшь режиссер Альберт Гаффаров бу әсәрнең драматик формасын табып, сәхнә принципларына җавап бирә алырлык моноспектакль иҗат итте. Танылган артист Рамил Вәҗиев Поприщин образы аша гадәти бер кешенең җүләрләнү тарихын бар нечкәлекләре белән ачып бирә алды. Күзгә күренми торган вак детальләрдән ул киң социаль гомумиләштерүләргә күчә, җәмгыятькә юанычсыз диагноз куя.
