РусТатEng

КАМАЛ ТЕАТРЫ СПЕКТАКЛЬЛӘРЕ ӨЧ ЕЛ РӘТТӘН "АЛТЫН БИТЛЕК"НЕҢ ЛОНГ-БИТЕНДӘ

1 ноябрьдә "Алтын битлек" Милли театраль премиясе сайтында, Экспертлар киңәшмәсе фикере буенча 2015-2016 елларның иң күренекле спектакльләре исемлеге бастырылды. Өченче ел рәттән лонг-биткә Г.Камал исемендәге Татар дәүләт Академия театры спектакльләре кертелә, быел ул - 111 сезонның данлыклы премьерасы, Фәрит Бикчәнтәев иҗат иткән Ж.-Б. Мольер әсәре буенча "Дон Жуан" спектакле. 
Узган елда күренекле спектакльләр исемлегенә О.Памукның "Минем исемем Кызыл", өченче елны Г.Камалның "Банкрот" спектакльләре кергән иде. 2016 елда Камал театры артисты, Россиянең һәм Татарстанның халык артисты Ринат Таҗетдинов "Алтын битлек" премиясенең "Театр сәнгате үсешенә зур өлеш керткәне өчен" номинациясе лауреаты исеменә лаек булды. 
Камал театры үзләренең коллегаларын - Казан Яшь тамашачылар театрын һәм Яр Чаллы курчак театрын "Алтын битлек" премиясенең номинантлары итеп билгеләнүләре белән тәбрикли. Шулай ук театрыбызның режиссеры - Илгиз Зәйниевне "Курчак театрлары арасында иң яхшы режиссер эше" номинациясендә катнашуы белән чын күңелдән котлыйбыз. 
Среда 02.11.2016
0
Подпишитесь на рассылку, чтобы быть в курсе новостей театра