РусТатEng

КАМАЛ ТЕАТРЫНДА "ЯҢА ТАТАР ПЬЕСАСЫ-2016" ҖИҢҮЧЕЛӘРЕ БИЛГЕЛӘНДЕ

Бүген, 24 декабрьдә, Г.Камал исемендәге Татар дәүләт Академия театрының Зур сәхнәсендә драматургия өлкәсендәге "Яңа татар пьесасы-2016" конкурсына нәтиҗә ясалды.
Жюриның махсус бүләкләренә 3 автор ия булды: Артур Шәйдуллин (Марсель Абзалов) "Кайтыр юлга чыккан идем", Айсылу Хафизова (Кол Шәрифә) "Прима", Нәфисә Исмәгыйлева (Сын) "Эх, җаныем". "Балалар өчен пьеса" номинациясендә- Нәфисә Исмәгыйлева (Агач) "Тамчылар пьесасы белән җиңү яулады. "Стилистик эзләнү өчен" номинациясе җиңүчесе итеп "Кит!..Китмә!" әсәре белән Рәмис Латыйпов (Шурасу) билгеләнде. "Татар театрының 110-еллыгына багышланган пьеса" номинациясендә Илгиз Зәйниев (Мәгарәчеләр) "Җәүдәт белән Зөбәрҗәт" пьесасы белән җиңү яулады. ТР Мәдәният Министрлыгының махсус бүләгенә "Нәгыймә" пьесасы белән Ркаил Зәйдулла (Субаш) ия булды. Өченче премия-Зөлфәт Хәким (Илхан Казанлы) "Тәрәзәдә һаман ут яна". Икенче премия- Айгөл Әхмәтгалиева (Фәтхи) "Сагынган чакларымда". Беренче премия- Илгиз Зәйниев (Җамалетдин) "Борһан йорты". Тантананы Татарстанның атказанган артисты Фәнис Җиһаншин алып барды.
Суббота 24.12.2016
0
Подпишитесь на рассылку, чтобы быть в курсе новостей театра