РусТатEng
КАМАЛ ТЕАТРЫ ТИНЧУРИННЫҢ 130 ЕЛЛЫГЫН УФАДА “ҖИЛКӘНСЕЗЛӘР” СПЕКТАКЛЕ БЕЛӘН ИСКӘ АЛА

КАМАЛ ТЕАТРЫ ТИНЧУРИННЫҢ 130 ЕЛЛЫГЫН УФАДА “ҖИЛКӘНСЕЗЛӘР” СПЕКТАКЛЕ БЕЛӘН ИСКӘ АЛА

Г.Камал театры артистлары Кәрим Тинчуринның 130 еллыгын быел Уфада каршылады. “Чәчәкләр салу чарасында башка елларда Академия театрының бөтен труппасы була торган иде. Кичә труппа Кәрим Тинчуринның “Зәңгәр шәл” спектакле белән Башкортстан гастрольләрен башлап җибәрде. - Бу хакта Г.Камал театрының музей җитәкчесе, Татарстанның атказанган сәнгать эшлеклесе Луара Шакирҗанова җиткерде. -  Бүген Уфа сәхнәсендә Кәрим Тинчуринның “Җилкәнсезләр” спектакле белән театр бөек драматургны искә алачак”, - диде ул Архангел зиратында репрессия корбаннарына куелган стелага чәчәкләр салганда.

“Кәрим ага Тинчурин - татарның талантлы зур шәхесе, ул үз чорына гына түгел алдагы буыннарга да рухи байлык бүләк иткән. Рухы шат булсын!”, - диде Луара Шакирҗанова һәм репрессия корбаны Кәрим Тинчуринга һәм шул куркыныч чорга багышлап сызланып язган шигырен укыды.

Искәртеп узабыз, Архангел зиратында 1929-1942 елларда атып үтерелгән сәяси репрессия корбаннары исемнәре уелган мемориал стела куелган. Анда бөек әдипнең исеме дә бар. Бөек драматургны искә алу чарасында Татарстан мәдәният министрының беренче урынбасары Эльвира Камалова, Татарстан Язучылар берлеге рәисе урынбасары Рәмис Аймәт, К.Тинчурин театры директоры Фәнис Мөсәгыйтов, Г.Камал театры музее мөдире Луара Шакирҗанова, Г.Ибраһимов исемендәге тел, әдәбият һәм сәнгать институты галиме, филология фәннәре докторы Әлфәт Закирҗанов, театр артистлары, журналистлар катнашты. 

Татар-информ, Рузилә Мөхәммәтова

Пятница 15.09.2017
0
Подпишитесь на рассылку, чтобы быть в курсе новостей театра