РусТатEng

ТАТАРСТАННЫҢ МӘДӘНИЯТ МИНИСТРЫ "ТАТАР ТЕАТРЫНЫҢ ТАРИХЫ ПЛАКАТЛАРДА ҺӘМ АФИШАЛАРДА" КҮРГӘЗМӘСЕНДӘ КАТНАШТЫ

Бүген, 12 гыйнварда, Татарстанның Мәдәният Министры Айрат Сибагатуллин, А.А.Бахрушин исемендәге Дәүләт үзәк театраль музеенда (Мәскәү шәһәре) урнашкан "Татар театры тарихы плакатларда һәм афишаларда" күргәзмәсендә катнашты. Министр өчен экскурсияне Театраль музейның генераль директоры Дмитрий Викторович Родионов һәм күргәзмәнең кураторы Рауза Рифкать кызы Солтанова алып бардылар. 
Проект А.А.Бахрушин исемендәге ДҮТМ (Мәскәү), Г.Камал исемендәге Татар дәүләт Академия театры, Казан (Идел буе) Федераль университетының Н.И.Лобачевский исемендәге Фәнни китапханә һәм Татарстан Республикасы Фәннәр Академиясенең Г.Ибраһимов исемендәге тел, әдәбият һәм сәнгать институты хезмәттәшлегендә тормышка ашырылды. Күргәзмәдә беренче татар труппалары (“Сәйяр”, “Нур”) афишаларыннан уникаль җыентык, Татар эшчеләр (“Эшче”), Колхоз-совхоз (күчмә) театрларының, Г.Камал исемендәге Татар дәүләт Академия театрының XX гасырдан башлап бүгенге көнгә кадәр чыгарылган афишалары тәкъдим ителә.
Әлеге күргәзмә эше 2017 елның 12 февраленә кадәр дәвам итәчәк.
Пәнҗешәмбе 12.01.2017
0
Подпишитесь на рассылку, чтобы быть в курсе новостей театра