РусТатEng
БҮГЕН КАМАЛ ТЕТРЫ ДӘҺЛИ ШӘҺӘРЕНДӘ "КИЛМЕШӘК" СПЕКТАКЛЕН УЙНЫЙ БҮГЕН КАМАЛ ТЕТРЫ ДӘҺЛИ ШӘҺӘРЕНДӘ "КИЛМЕШӘК" СПЕКТАКЛЕН УЙНЫЙ БҮГЕН КАМАЛ ТЕТРЫ ДӘҺЛИ ШӘҺӘРЕНДӘ "КИЛМЕШӘК" СПЕКТАКЛЕН УЙНЫЙ БҮГЕН КАМАЛ ТЕТРЫ ДӘҺЛИ ШӘҺӘРЕНДӘ "КИЛМЕШӘК" СПЕКТАКЛЕН УЙНЫЙ

БҮГЕН КАМАЛ ТЕТРЫ ДӘҺЛИ ШӘҺӘРЕНДӘ "КИЛМЕШӘК" СПЕКТАКЛЕН УЙНЫЙ

Бүген Г.Камал исемендәге Татар дәүләт Академия театры тарихта беренче мәртәбә Һиндстанда спектакль тәкъдим итә. Камаллылар Һиндстан Милли Драма Мәктәбе оештырган Халыкара фестивальдә катнаша. 
6-8 февральдә труппа Дәһли һәм Варанаси шәһәрләрендә С.Гаффарова пьесасы буенча Ф.Бикчәнтәев сәхнәләштергән "Килмешәк" спектаклен уйный. 

«Һиндстан тамашачысы белән очрашу безнең өчен бик дулкынландыргыч һәм җаваплы адым. Һиндстанга бит беренче мәртәбә генә баруыбыз. "Килмешәк" спектакленең фестивальләргә еш чыгуына без бик шат. Әлеге спектакль белән күптән түгел Кытайга (Нанкин ш.) барып кайткан идек, яз көне Венгрияга (Будапешт ш.) Халыкара фестивальгә җыенабыз", - дип сөйләде Камал театры директоры Илфир Якупов.  

Спектакль хакында:

Тимер пәрдә ачылганнан һәм СССР таркалганнан соң элекке автоном республикалар халыклары үзләренең тарихларының ак битләрен барлый башладылар. Россиядә халык саны буенча икенче урында торган татарлар өчен иң үкенечле темаларның берсе - фашист Германиясе ягына чыгудан баш тарткан, Гитлер концлагерьлары газапларын кичергән, ә өченче рейх таркалганнан соң Сталин ГУЛАГы тоткыннары булган әсир солдатлар һәм офицерлар язмышы. Аларның кайберләре илленче елларда азат ителү бәхетенә ирешсәләр дә, Икенче Бөтендөнья сугышында катнашучы статусын әле күптән түгел генә алдылар. Алар арасында янәдән кулга алынудан куркып, туган якларына кайтмый калучылар да булды. Язмыш аларны дөнья буйлап таратты...

"Килмешәк" спектакленең герое Нәкыйп сугыштан соң, язмышына буйсынып, Канадага килеп эләгә һәм тормышын өр яңа биттән башлап җибәрә. Канаданың зур булмаган бер шәһәрендә ул татар авылындагыча яши башлый - бәрәңге үстерә, Хэллоуин урынына Сабантуй уздыра. Хатынына да ул Джоанна дип түгел, ә татарча "Җаным" дип эндәшә. Көннәрдән бер көнне аның кебек үк "килмешәк", ләкин тамырлары Шотландиядән булган күршесе Самуэль, элеккеге совет гражданнарына кире СССРга кайтырга рөхсәт ителә һәм аларга бернинди дә куркыныч янамый дигән хәбәр алып килә... Нәкыйп Ватанына кайтырмы? Сөйгәне белән очрашырмы? Әнисенең каберенә килерме? 

Чәршәмбе 06.02.2019
0
Подпишитесь на рассылку, чтобы быть в курсе новостей театра