РусТатEng
КАРА ЧИКМӘН/ЧЁРНАЯ БУРКА
Автор: Геор Хугаев (Юныс Сафиуллин тәрҗемәсе)
Музыкаль драма 2 бүлектә. 
Спектакль 2 сәгать 20 минут бара. 
Спектакльнең премьерасы 2002 елның 7 нояберендә булды. 


              “Кара чикмән” - тугрылык, намус, мәкер һәм мәхәббәт турында фәлсәфи хикәя. Әсәрнең геройлары - Көтүче, Бүреләр, Эт, Төлке, Куян, Ишәк, Козгын; бу образ-символлар аша хәзерге заман кешесенең катлаулы эчке дөньясы тасвирлана. 
               Түзәр – гомере буе көтүче хуҗасына тугры хезмәт иткән эт. Хуҗасы да аны ярата. Көннәрдән бер көнне бүреләрнең мәкерле планнары аны кыргый җанварлар арасына алып килә. Түзәр йөрәгендә бүре кызы Чибәргә тирән мәхәббәт уяна. Ул сайлау алдында: бүре кызы белән бүреләр өерендә тормыш, яисә кешегә тугрылык. Бәхеткәме, яки бәхетсезлеккәме, хуҗа көтүне  кышлыкка авылга алып кайтып киткәндә чикмәнен онытып калдыра.  Түзәр кыш буе ашамый-эчми тауларда чикмән саклый, хуҗасын көтә. Әмма кеше эт тугрылыгын бәяләрме?

Спектакль:
2005 елда төрки халыкларның "Нәүрүз" Халыкара театр фестивалендә “Иң яхшы спектакль”, “Иң яхшы режиссер”, “Иң яхшы ирләр роле” ;

2007 елда Бөтенроссия "Музыкальное сердце театра"  милли театр фестивалендә "Иң яхшы спектакль", "Иң яхшы режиссер", "Иң яхшы баш рольне башкаручы" ;

2008  елда "Белая Вежа" Халыкара театр фестивалендә “Иң яхшы спектакль”,  “Иң яхшы ирләр роле” номинацияләрендә  җиңү яулады. 
0
Подпишитесь на рассылку, чтобы быть в курсе новостей театра