Камал театры оркестры БКЗда "Театр & Музыка. Яхин" концертын тәкъдим итә
Monday 30.01.2023
1 мартта 18.30 сәгатьтә С.Сәйдәшев исемендәге Зур концертлар залында Камал театры оркестрының "Театр & Музыка. Яхин" концерты була.
Сәхнәдә композитор турындагы җырлар, романслар һәм хатирәләр нигезендә Рөстәм Яхинның тормышы һәм иҗаты турында театраль-музыкаль тарих яңгыраячак. Тамашада катнашалар: Татарстанның атказанган артистлары Ләйсән Рәхимова, Раил Шәмсуаров, Ирек Кашапов, Ришат Әхмәдуллин, шулай ук яшь артистлар Рәйхан Габдуллина һәм Айгөл Шәкүрова.
Оркестр белән фортепиано өчен концертны махсус кунак - пианист, халыкара конкурслар лауреаты Зөлфәт Фәхразиев башкарды. Режиссер - Айдар Җәббаров, театр оркестрының баш дирижеры һәм сәнгать җитәкчесе - Данияр Соколов.
Билет алырга Касса: (843) 293-03-74
