Бүген, 26 августта, Татарстан Республикасы мәдәният министры Ирада Әюпова мәдәният һәм сәнгать эшлеклеләренә дәүләт бүләкләре тапшырды. Тантаналы чара Казан Кремлендә узды.

Театрның баш рәссамы Сергей Скоморохов "Фидакарь хезмәте өчен" медале белән бүләкләнде, баш хисапчы Галина Тимершинага ТР атказанган икътисадчысы, оркестр музыканты Рафаэль Абдуллинга ТРның атказанган артисты исеме бирелде.