Яр Чаллы Татар драма театрының сәнгать җитәкчесе итеп Олег Кинҗәгулов билгеләнде. Яңа җитәкчене театр коллективына Татарстанның мәдәният министры Ирада Әюпова тәкъдим итте. Олег Мәдияр улы әлегә кадәр Г.Камал исемендәге Татар дәүләт Академия театрында режиссер булып эшләде. Режиссер буларак куйган спектакльләре - "Парковка" (#Сишәмбекөнкичбелән проекты кысаларында) һәм "Таңбатыр".
Олег белән горурланабыз һәм чын күңелдән котлыйбыз. Яңа урында иҗади уңышлар телибез!

Олег Кинҗәгулов 1989 елның 12 апрелендә Омск өлкәсе Любинский районы Любинский поселыгында туа. 2011 елда "драма театры һәм кино артисты" белгечлеге буенча З.Исмагыйлов исемендәге Уфа дәүләт сәнгать академиясын тәмамлый. 2017 елда Казан дәүләт мәдәният институтында Ф.Бикчәнтәев курсын тәмамлап,  "драма режиссеры" белгечлеге ала.