Кичә, 21 мартта, Шәһәр китапханәсенең 29нчы филиалында, "Тормышны яратучы" программасы кысаларында, Камал театры артисты, Татарстанның халык артисты Әсхәт Хисмәтов белән иҗади очрашу үтте. 
Артист үзенең иҗат юлы, данлыклы спектакльләрдәге рольләре турында сөйләде, спектакльләрдән өзекләр һәм татар җырларын башкарды. Тамашачылар аны көчле алкышларга күмде. Очрашу истәлекле бүләкләр тапшыру, фотосессия һәм чәй эчү белән тәмамланды. Чарада барлыгы 40тан артык кеше катнашты.