Татарстанның төп театраль форумы экваторын үтеп китте. Бишенче көндә безгә яңа педагоглар кушылды. 

«Театр сәнгате өлкәсендә менеджмент һәм pr-технологияләр» секциясендә экономика фәннәре докторы, Казан Федераль Университеты профессоры Наталья Каленская (Казан) һәм Театр Пермь Академия театры Егор Мухин (Пермь) чыгыш ясадылар. Наталья Валерьевна үз брендыңны дөрес итеп төзергә кирәклеге хакында сөйләде. Егор Мухин үзенең чыгышында сату өлкәсендәге тәҗрибәсе белән уртаклашты. 

«Театрның сәнгати-кую бүлеге эшчәнлеге» секциясендә дә яңа спикер - «Лайтмастер» оешмасы инженер-конструкторы, МХАТ мәктәп-студиясенең сәнгатьчә бизәү технологияләре кафедрасы өлкән укытучысы Леонид Чёрный (Мәскәү) чыгыш ясады. Үзенең лекциясе вакытында ул катнашучыларны яңа тенденцияләр белән таныштырды сәнгати-кую бүлегенең эшен нәтиҗәле оештыруда тәҗрибәләре белән уртаклашты.  

«Курчак театры» секциясендә катнашучылар предмет һәм курчакның үзара бәйләнеше буенча эшләделәр. Чыгышларны караганнан соң, Элина Агеева һәр укучыга аерым биремнәр бирде. 

Агнешка Пиотровска Кристиан Люпа спектакльләрен анализлауны дәвам итте.   Шулай ук Кшиштоф Варликовскийның  «(А)поллония» спектакленә дә анализ ясады. Икенче спикер – Нияз Игъламов – милли театрларның миссиясе хакында сөйләде. Педагог башкорт режиссерлары -  А.Абушахманов, И.Казакбаев спектакльләренә һәм М.Гафури, М.Кәрим иҗатларына аерым тукталды.

Юрий Альшиц дәресендә катнашучылар һәркайсы аерым картина сайлап алды һәм аны үзләре аша күрсәтергә тырышты. 

Дмитрий Кошмин секциясендә "Актерлык сәнгате. Сәхнә теле" темасына лекция дәвам итте. Катнашучылар артикуляцион разминка ясадылар һәм У.Шекспирның "Тискәрегә авызлык" пьесасы буенча эшне дәвам иттеләр. 

«Театраль тәнкыйть һәм театрның әдәби бүлеге эшчәнлеге» секциясендә катнашучылар Глеб Ситковский белән рецензияләре хакында фикер алыштылар, ә Александр Вислов белән премьерага PR компания әзерләп карадылар.  

Форумның бишенче көне автор һәм режиссёр Илгиз Зәйниевның "Бию пәрие" спектакле белән тәмамланды. Форумда катнашучылар өчен трансляция Камал театры сайтында kamalteatr.ru үтте.