Форумның дүртенче көне дә вакыйгаларга бай булды. 

«Театр педагогикасы. Артистның ролен үзлегеннән өйрәнүе» секциясендә катнашучылар үзләренә роль сайлады һәм сайлаган геройлары турында сөйләде. Юрий Альшиц һәр чыгышны анализлады, хаталарга басым ясады, киңәшләр бирде.   

Элина Агеева дәресендә артистлар, көзге каршына басып, үзләренең хәрәкәтләрен өйрәнделәр, шулай итеп, курчакларга табигый позалар сайладылар. Семинар азагында спикер курчак белән "уяну" дигән номер әзерләргә кушты. Номерның музыкаль бизәлеше булырга тиеш. 

Ольга Неволина ""Театр җитештергән заман материалларын һәм технологияләрен барлау" темасын дәвам итте. Дәрес барышында катнашучылар спектакльне сәнгатьчә бизәү өчен кулланылган элемент технологиясе турында презентация ясарга тиеш иделәр. 

"Театрның сәнгати-кую бүлеге эшчәнлеге" секциясенең икенче спикеры Сергей Тимонин сәнгати-кую бүлегенең эшчәнлеген норматив көйләү хакындагы сорауларга тукталды.  

Дмитрий Кошминның лекциясе катнашучылар һәм тыңлаучыларның сорауларына җавап бирүдән башланды. Ул тавышны ныгыту һәм диапазонны киңәйтү буенча киңәшләр бирде. Аннары төркем сәхнә теле буенча тренингларга күчте: тавышны көйләү, дикция, артикуляция, сулыш, ритм һ.б.

«Театраль тәнкыйть һәм театрның әдәби бүлеге эшчәнлеге" секциясендә катнашучылар Глеб Ситковский белән конкрет спектакль буенча рецензия һәм аннотация текстлары хакында фикер алышуны дәвам иттеләр.  

Александр Вислов чираттагы дәресендә театр сайтларына күзәтү ясады. Катнашучыларга икенче дәрескә А.П.Чеховның 2 инсценировкасын укырга кушты. 

Нияз Игъламов Татарстан һәм күрше республикалар (Чувашия, Башкортстан) режиссерларының спектакльләре хакында сөйләде. Секциянең икенче укытучысы Наталия Каминская режиссерлар  А.Шапиро, А.Могучий һәм Р.Феодориның технологик яктан катлаулы алымнар белән эшләве турында сөйләде.    Педагог әлеге рижиссерларның МХАТ, Таганкадагы театр, Красноярский Яшьләр театры, Милләтләр дәүләт театры, Пермь Академия театрында куелган конкрет спектакльләрен мисалга китерде. Н.Каминская, шулай ук, Россия театрларында плунжер системасы хакында да сөйләде. 

«Актёрлык сәнгате. Пластика» секциясендә бүген соңгы дәрес булды. Катнашучылар креатив хореограф Александр Андрияшкинны җибәрергә дә теләмәделәр. 4 дәрес эчендә катнашучылар хәрәкәтчән перформатив практикаларның концепцияләре, принциплары һәм кораллары белән танышты. 

"Менеджмент һәм PR" секциясендә Олег Соколов һәм Эдуард Карякин соңгы дәресләрен үткәрделәр.  Соңгы көнне алар онлайн-сатулар һәм командада вәкаләтләрне дөрес бүлү хакында сөйләделәр. Алга таба секцияне яңа педагоглар - Наталья Каленская һәм Егор Мухин алып барачак.  

Кич 17.00 сәгатьтә Алехандро Гонсалес Пуче һәм Елена Васина җитәкчелегендә "Режиссерлар һәм актерлар курсы" секциясендә эш башланды. Катнашучылар Ф.М.Достоевскийның "9 хаттан торган роман" әсәрен анализлады.  

Форумның дүртенче көне Рүзәл Мөхәммәтшин әсәре буенча Илгиз Зәйниев сәхнәләштергән "Дәрсе гыйбрәттер театр" спектакль-сәяхәте белән тәмамланды. Форумда катнашучылар өчен трансляция театр сайтында kamalteatr.ru үтте.

Барлык спикерларга, катнашучыларга һәм тыңлаучыларга форумның дүртенче көне өчен зур рәхмәт!