<b>Форумның сигезенче көнендә "Режиссерлар һәм актерлар курсы", "Актерлык сәнгате. Сәхнә теле», «Театр сәнгате өлкәсендә менеджмент һәм PR-технологияләр», «Курчак театры», «Театраль тәнкыйть һәм театрның әдәби бүлеге эшчәнлеге", «Театрның сәнгати-кую бүлеге эшчәнлеге" секцияләрендә соңгы дәресләр үтте. </b><br>

«Театрның сәнгати-кую бүлеге эшчәнлеге» секциясендә программа нәтиҗәләре буенча фикер алышу үтте. Секциядә 70 кеше катнашты, 40тан артык бирем үтәлде, 100дән артык сорауга җавап бирелде. Бу секциягә ихтыяҗ бар дигән сүз. Дәрес вакытында дистанцион уку программасы тәкъдим ителде. Әлеге программаны киләчәктә Камал театры һәм МХАТ мәктәп-студиясе тормышка ашырырга ниятли. Фикер алышуда Г.Камал театры директоры, "Нәүрүз" форумы башкарма директоры Илфир Якупов, сәхнә рәссам-технологы, конструктор, декан, сәхнә рәссам-технологлар курсы җитәкчесе МХАТ Мәктәп-студиясе Сценография һәм театраль технологияләр факультеты укытучысы Ольга Неволина (Мәскәү), театр һәм кино артисты, театр педагогы, МХАТ Мәктәп-студиясе ректоры, Россиянең атказанган артисты, Россиянең атказанган сәнгать эшлеклесе Игорь Золотовицкий (Мәскәү) катнашты.

Дмитрий Кошминның лекциясе сорауларга жавап бирүдән башланды. Педагог сәхнә теле буенча һәркемгә файдалы киңәшләр бирде, катнашучылар күнегүләрне дөрес ясарга өйрәнде. Һәркем шәхси эшен күрсәтте, ахырдан укытучы үз фикерен әйтте.

Агнешка Пиотровска поляк режиссеры Я.Клята, аның "Трансфер", "Орестея" "Гамлет" спектакльләре турында сөйләде. Наталия Каминская соңгы лекциясендә танылган спектакльләрнең сценографияләре турында җентекләп сөйләде.

Элина Агееваның "Курчак театры" секциясендә дә соңгы дәрес үтте. Катнашучылар, артист кулына курчак алган мизгелдән башлап, артистның эшен анализлады. Күп кенә артистлар булачак курчаклар белән остаханәләрдә үк таныша башлый икән. Дәрес азагында секциянең башыннан ахырына кадәр нәтиҗә ясалды. Катнашучылар педагогка һәм форумны оештыручыларга чын күңелдән рәхмәт әйттеләр.

"Театраль тәнкыйть һәм театрның әдәби бүлеге эшчәнлеге" секциясендә катнашучылар Глеб Ситковский белән «5mm/h» спектакле һәм "Өч сеңел" буенча твит жанрындагы текстлар буенча фикер алыштылар. Александр Вислов белән театрларда үткәрергә мөмкин булган проектларны якладылар. Дәрес азагында нәтиҗәләр ясалды.

"Менеджмент һәм PR» секциясендә Наталья Каленская 4 көнлек дәресләргә нәтиҗә ясады һәм бренд-менеджмент буенча сорауларга җавап бирде. Егор Мухин оешманың сату бүлеге эшен оештыру буенча детальләп сөйләде.

Алехандро Гонсалес Пуче һәм Елена Васинаның «Режиссерлар һәм актерлар курсы» секциясе эшчәнлегенә нәтиҗә ясап, катнашучылар онлайн-спектскль күрсәтте.
</p>
<b> </b><b>
<iframe width="560" height="315" src="https://www.youtube.com/embed/dDfJkn3baGc" frameborder="0" allowfullscreen></iframe></b>
<p>