5 октябрьдә, Г.Камал исемендәге Татар дәүләт Академия театрында "Исәнмесез" спектакленең тифлопремьерасы була. Мансур Гыйләҗев пьесасы буенча режиссер Фәрит Бикчәнтәев сәхнәләштергән үткән сезон премьерасы күзләре күрмәүче һәм ишетмәүче тамашачылар өчен тифлокомментарий белән тәэмин ителә.

​Яңа театраль сезонга әзерлек барышында "Яңа караш" программасы кысаларында сукырлар һәм начар күрүчеләр өчен эшләүче махсус китапханәдә спектакльгә күзләре күрмәүче тамашачылар өчен тифлокомментарий әзерләнде. Спектакль вакытында тифлокомментатор тавышы наушниклар аша җиткереләчәк. "Үзенчәлекле тамашачылар" сәхнә бизәлешен, артистлар уенын күрмәсә дә - спектакльне тулысынча аңлый алачак.

Әлеге хезмәт "Россия театрларында тифлокомментарий" юнәлешенең "Аерым караш" программасы кысаларында башкарыла. Аны Алишер Усмановның "Сәнгать, мәгариф һәм спорт" хәйрия фонды театрлар һәм сукырлар өчен китапханәләр белән берлектә Россиянең 27 регионында  тормышка ашыра. Элегрәк тифлокомментарий белән "Килмешәк" спектакле тәэмин ителгән иде.