Бүген Вахтангов театрының Симонов сәхнәсендә Камал театрының маркетинг һәм PR буенча директор урынбасары Илшат Латыйпов «Театрны саннар белән ничек дуслаштырырга» дигән темага чыгыш ясады. Үз чыгышы вакытында Илшат Рафаэль улы театрның digital-өлкәдә ничек үсүе турында сөйләде: «Шәрык клубы» интерактив мультимедиа комплексы эшчәнлеге, онлайн-трансляцияләр, «Нәүрүз» форумы һәм театрны интернетта таныту турында. Чара театр менеджерларының Вахтангов фестивале кысаларында узды.