2022 елның 8-12 декабрендә Мәскәүдә театр менеджерларының Вахтангов форумы уза. Камал театры директоры Илфир Якупов, маркетинг һәм PR буенча директор урынбасары Илшат Латыйпов һәм IT-бүлек җитәкчесе Линар Шәмсетдинов әлеге форум эшендә катнашалар. Эшлекле сәфәр вакытында театр җитәкчелеге башкала театрлары, музейлары, билет операторлары җитәкчеләре белән очрашырга һәм алга таба хезмәттәшлек планнары турында фикерләр алышырга да планлаштыра. 10 декабрьдә форум кысаларында Илшат Латыйпов Вахтангов театрында "Театрны саннар белән ничек дуслаштырырга?!" дигән темага чыгыш ясаячак.