2022 елның 20 гыйнварында Галиәсгар Камал исемендәге Татар дәүләт академия театры буенча Ачык бушлай экскурсияләр башлана. Татарстанның халык артисты Луара Шакирҗанова килүчеләрне Зур һәм Кече сәхнә, сәхнә арты, Галиәсгар Камал мемориаль кабинеты, тарихи күргәзмә һәм картиналар галереясы белән таныштырачак, аларны грим, тегү һәм реквизит цехларына алып барачак, анда театр хезмәткәрләре белән аралашу һәм хәтта нинди дә булса сәхнә образын да киеп карау мөмкинлеге булачак. Шулай ук казанлылар борынгы милли театр тарихындагы төп вакыйгалар һәм аның киләчәккә планнары турында беләчәк, труппаның яңа урынга күчүе турында сораулар бирә алачак. Теркәлү өчен сылтама

Татарстан ур.,1 йорт адресы буенча урнашкан хәзерге бинада театр инде 30 елдан артык гомер итә, ә моңа кадәр аның тарихында күчешләр күп булган. Һәр локация театр һәм гомумән милли мәдәният үсешенең яңа этабы белән бәйле. Алда торган үзгәрешләр алдыннан Камал театры җитәкчелеге, шәһәрнең архитектур йөзе үзгәрүен билгеләп үтү һәм аларның киләчәктә казанлылар тормышына йогынтысы турында фикер алышуны мөһим дип саный.

Беренче экскурсия 2021 елның 22 декабрендә, татар театрының 115-нче туган көнендә булды. Алга таба экскурсияләр, Камал театрының архитектура концепциясен эшләү буенча ачык халыкара бәйгесе кысаларында, айга ике тапкыр театр сезоны ахырына кадәр үткәрергә планлаштырыла. Экскурсияләр Enter интернет-журналы белән берлектә «Шәһәр модераторлары» дискуссион-белем бирү программасы кысаларында башкарыла.

Исегезгә төшерәбез, бәйге 2021 елның 23 июлендә старт алды. Ноябрь аенда Казанда финалга чыккан 8 команда өчен семинар узды, һәм хәзер алар үз проектлары өстендә экспертлар белән тыгыз элемтәдә эшлиләр. Февраль аенда жюри Иң яхшы өч проектны сайлап алачак һәм Камал театрының яңа бинасы идеясе тормышка ашырачак бер җиңүчене атаячак.

Конкурсның инициаторлары - Татарстан Республикасы Президенты Рөстәм Миңнеханов һәм Г.Камал исемендәге Татар дәүләт Академия театры. Бәйге Татарстан Республикасы Хөкүмәте, Татарстан Республикасы Мәдәният министрлыгы, Казан шәһәре Башкарма комитеты һәм «Татарстан Республикасы шәһәрләрен үстерү институты» ярдәме белән үтә. Бәйгенең операторы -  «Үзәк Lab» халыкара урбанистика лабораториясе,  кураторы-creeptone media Казан продюсерлык компаниясе.

Теркәлү өчен сылтама һәм якын арадагы экскурсияләр расписаниесе: 

20 гыйнвар 14: 00 (рус телендә) 

3 февраль 14: 00 (татар телендә)

17 февраль 14: 00 (рус телендә)

Экскурсия 60 минут бара.

Хөрмәт белән,

Илшат Латыйпов,

+7 927 446 45 42

pr@kamalteatr.ru