Кичә, 10 мартта, Г.Камал исемендәге Татар дәүләт Академия театрының Кече залында яңа пьесалар укылды. ТР атказанган артисты Фәнис Җиһанша Артур Шәйдуллинның "Сагынырсызмы?" пьесасын укыды.
Кичә, 10 мартта, Г.Камал исемендәге Татар дәүләт Академия театрының Кече залында яңа пьесалар укылды. ТР атказанган артисты Фәнис Җиһанша Артур Шәйдуллинның "Сагынырсызмы?" пьесасын укыды. Әлеге әсәр "Яңа татар пьесасы -2019" бәйгесендә беренче урын яулаган иде. ТР атказанган артисты Илнур Закиров, шулай ук берничә ел элек "Яңа татар пьесасы" премиясенә лаек булган, Ркаил Зәйдулланың "Хан һәм шагыйрь" пьесасын укыды. Һәр пьеса укылганнан соң театрның бөтен труппасы катнашында фикер алышу үтте. Әлеге пьесаларны киләчәктә Камал театрының баш режиссеры Фәрит Бикчәнтәев сәхнәләштерер дип көтелә.
