23 мартта Г.Камал исемендәге Татар дәүләт Академия театрында Татарстанның халык артисткасы Раушания Юкачеваның юбилей кичәсе узды.
23 мартта Г.Камал исемендәге Татар дәүләт Академия театрында Татарстанның халык артисткасы Раушания Юкачеванын юбилей кичәсе үтте. Актрисаны сәхнәдән Татарстан театрларыннан килгән кунаклар, туганнары, курсташлары, классташлары котлады. Чараның алып баручысы Татарстанның атказанган артисты Фәнис Җиһанша иде.
Юбилей кичендә тамашачыларга И.Юзеев әсәре буенча "Ак калфагым төшердем кулдан" спектакле күрсәтелде. Әлеге спектакльдә Раушания Юкачева Клара Измайлова ролен башкара. Спектакльдән соң актрисаны Татарстанның Мәдәният министры Ирада Әюпова, шулай ук, баш режиссер Фәрит Бикчәнтәев һәм директор Илфир Якупов җитәкчелегендә Камал театры коллективы котлады.
