Камаллылар Шәүкәт Биктимеров исемендәге балалар бәйгесе финалында катнашты
Пәнҗешәмбе 28.10.2021
Бүген Саба районы мәдәният йортында Шәүкәт Биктимеров исемендәге IX Республика балалар театр сәнгате бәйгесенең финалы узды. Камал театры артистлары - Россия Федерациясенең атказанган артисты, Татарстан Республикасының халык артисты Илдар Хәйруллин һәм Татарстан Республикасының халык артисты Венера Шакирова чарада жюри әгъзалары сыйфатында катнаштылар.
Бәйге балалар милли театр иҗатын үстерү, сәләтле балаларны, балалар сәнгать коллективларын ачу һәм аларга ярдәм итү максатыннан уздырылды. Оештыручы - ТР Саба муниципаль районы Балалар иҗат үзәге.
