12, 14 һәм 15 мартта Камал театрының Көнчыгыш залында Михаил Лермонтов әкияте буенча "Гашыйк-Кәриб" спектакленең премьерасы була. Режиссер - Сергей Землянский (Мәскәү), рәссам - Максим Обрезков (Мәскәү).

Михаил Лермонтовның «Гашыйк-Кәриб» әкияте 1837 елда иҗат ителә. Яшь Лермонтов әлеге әсәрен беренче кавказ сөргенлегендә вакытта яза. Сөргенлеккә ул А.Пушкинга багышланган "Шагыйрь үлеме" исемле данлыклы шигырен иҗат иткәннән соң җибәрелә.

Г.Камал исемендәге театрда М.Лермонтовның әсәре беренче тапкыр куела. Шунысы кызы, әсәр әдәбият теленән, музыка, хореография һәм пластика теленә күчерелә. Спектакльнең жанры
«Сүзсез хикәят» дип билгеләнгән. Ул саф мәхәббәт, үз ярыңы аңлы рәвештә сайлау, тормыш сынаулары, үз-үзеңне, дөньяны танып белү һәм Аллаһы Тәгаләнең чиста күңелле кешеләргә карата мәрхәмәте булуы хакында.