Мондый могҗиза төшкә генә керә ала. Һәм бары тик кыш көне генә - елның иң тылсымлы вакытында: киңлекләр кемнеңдер иң ихлас хисләрен чагылдырырдай ак кәгазь сыман ак кар белән каплангач… 18 декабрьдә «Шәрык клубы» татар шигърияте кичәсенә чакыра!

Сез теге яки бу авторның шигырьләрен тыңлап кына калмаячаксыз, ә ул шагыйрьләрнең үзен дә күрәчәксез. Алар сезне үз хыяллары, уйлары дөньясына алып керәчәк. Сезне ихлас аралашу, төрле буын шагыйрьләренең компромисссыз бәхәсләре көтә. Алар иҗатлары аша сораулар бирер, җавап кайтарыр, яки сораулардан качарлар. Гомумән алганда, фәлсәфә, образлар һәм рифмалар ярдәмендә тормышның төрле яклары турында сөйлиләр...
Музыкасыз нинди шигърият кичәсе була алсын?! Программада кичә геройларының шигырьләренә язылган җырлар композитор белән берлектә башкарылачак. Кыскасы сезне бик күп иҗади шәхесләр, галәм киңлеге кадәр кабатланмас татар мәдәнияте дөньясы белән серле очрашу көтә.

Кичәдә катнашалар: Рәдиф Гаташ, Эльмира Җәлилова, Марсель Галиев, Йолдыз Миңнуллина, Илсөяр Иксанова, Рүзәл Мөхәммәтшин, Ркаил Зәйдулла, Лилия Гыйбадуллина, Эльмир Низамов, Илүсә Хуҗина, Илгиз Мөхетдинов, Сәидә Мөхәммәтҗанова, Рөстәм Насыйбуллин һәм башкалар.

Билет алырга