Балаларны рәсем ясау буенча мастер-класска чакырабыз
Сишәмбе 13.09.2022
XX гасыр башында "Шәрык клубы"нда балалар аудиториясен дә игътибарсыз калдырмаганнар. Клубта балалар өчен төрле бәйрәмнәр үткәрелгән.
Заман "Шәрык клубы" да кечкенә дусларын кунакка чакыра! 17 сентябрьдә 15.00 сәгатьтә аларны театр тарихы дөньясына һәм сәхнә артына сәяхәт кенә түгел, ә рәсем ясау буенча мастер-класс көтә. Камал театры рәссам-дизайнерлары нәни тамашачыларны чын картина ясаганда төсләрне һәм кәефләрне кушарга өйрәтәчәк. Ә картина нинди темага булачагын сез мастер-класста белерсез!
Катнашырга теләүчеләр үзләре белән яхшы кәеф һәм яңа белемнәр үзләштерү теләген алып килергә тиеш.
Алъяпкыч яки алмаш кием алырга онытмагыз! Мастер-класс 1сәгать 20 минут дәвам итә.
200-12-37
Татарстан ур., 8