Татар әдәбияты классигы Гаяз Исхакыйның мирасы яңадан сәхнәдә. 13, 14 һәм 24 апрельдә Галиасгәр Камал театры язучының әсәрләре буенча куелган “Тормышмы бу?..”спектакленең премьерасын тәкъдим итә. Спектакльнең режиссеры - Айдар Җаббаров, рәссам - Булат Ибраһимов. 

Инсценировканы һәм рольләрне иҗат иткәндә әсәрдән диалоглар гына түгел, шулай ук авторның фикерләре дә, табигатьнең һәм геройларның бер-берсенә мөнәсәбәтләренең тасвирламалары да үзгәртелмичә алынды. Димәк, Г.Исхакыйның аллюзияләргә һәм метафораларга бай теле тамашачыга тулысы белән бар көчендә барып ирешәчәк.

Билет алырга Касса: (843) 293-03-74