“Әни килде” драмасы – Ш.Хөсәенов иҗатының иң югары ноктасы, аны ил күләмендә киң мәйданга чыгарган, таныткан әсәр. Аның төрле вакытта 40 ка якын театр сәхнәсендә уйналуы мәгълүм. Казан театрларында гына да ул режиссер М.Сәлимҗанов тарафыннан дүрт тапкыр сәхнәгә куелды. Бу факт үзе генә дә бәхетле язмышлы әлеге пьесаның сыйфаты, ул кузгаткан мәсъәләләрнен киң колачлыгы, кискенлеге турында сөйли. Чынлап та, беренче карашка тар гаилә кысаларында гад ибер авыл карчыгының язмышын сурәтләнгән вакыйгалар бөтен ил, хәтта дөньякүләм киңлектә бара торган котылгысыз үзгәрешлэр белән бәйле һәм аларга барып тоташа.