Кичә Камал театрында сезонның төп премьерасы булды - Мәхмүт Галәү романнары буенча Фәрит Бикчәнтәев сәхнәләштергән "Болганчык еллар. Мөһаҗирләр". Премьера уңаеннан театр фойесында XVIII гасыр азагы - XX гасыр башы антиквар самоварлар күргәзмәсе ачылды. Коллекция авторы - Зарипов Фәрит Нурулла улы. Күргәзмәдә барлыгы 22 самовар.

"Без коллекция самоварларыннан күргәзмәне очраклы гына эшләмәдек. Алар спектакльдә кулланыла һәм сәхнә бизәлешенең мөһим өлешен тәшкил итә. Шул рәвешле театр фойесы спектакльнең дәвамы булып тора", - дип сөйләде Фәрит Нурулла улы.