Масштаблы реконструкция алдыннан Камал театрында үзгәрешләрне проектлау буенча сессия узды
Җомга 30.04.2021
Мәдәният, театр, архитектура өлкәсеннән 37 профессионал Камал театрын ничек үзгәртеп булу турында фикер алышты. 1906 елдан бирле эшләп килүче Россиянең борынгы милли театры реконструкциягә һәм бинасын Кабан күле ярына таба зурайтуга әзерләнә.Сессиядә сәламләү сүзе белән ТР Президенты ярдәмчесе Наталия Фишман-Бекмамбетова һәм Камал театрының баш режиссеры Фәрит Бикчәнтәев чыгыш ясады.
Бинаны зурайту - театр үсеше, заман белән бергә атлау өчен кирәк.
Сессияда 37 эксперт катнашты: театрның 15 хезмәткәре, театр һәм архитектура өлкәсеннән әйдәп баручы 11 россия белгече һәм театрның дуслары - Казанның 11 мәдәният эшлеклесе катнашты. Алар арасында — баш режиссер Фәрит Бикчәнтәев, театр директоры Илфир Якупов, театр тәнкыйтьчесе Нияз Игъламов, Милләтләр Театрының Яңа Мәйдан кураторы Вера Мартынов, режиссер, «Любимовка» фестиваленең арт-директоры Юрий Шехватов, опера режиссеры Екатерина Василёва, хореограф Нурбәк Батулла һәм Казанның легендар архитекторы Герман Бакулин.
