#Ярату Андрей абый
Чәршәмбе 08.09.2021
"Театр - ул сәнгать кенә түгел, ә төрле һөнәр ияләренең иҗади хезмәте". Бөек Георгий Товстоноговның бу сүзләре белән килешми мөмкин түгел. Чыннан да, спектакльне тудыру һәм прокатка чыгару өстендә күпме кеше хезмәт куя, тик аларның күбесе "кадр артында" кала. Без моны зур гаделсезлек дип саныйбыз һәм яңа рубрика башлап җибәрәбез. Анда театрның сәхнә арты хезмәткәрләре үзләренең күпьеллык тәҗрибәсе һәм театрны ничек яратулары турында сөйләячәк. Безнең яңа видеолар циклы да "ЯРАТУ" дип атала.
Сәхифәбезне Андрей абый ачып җибәрә. Ул Камал театрының иң тәҗрибәле сәхнә эшчсе, бездә инде 20 ел эшли.
P.S. Сер итеп кенә әйтәбез: безнең сәхнә эшчеләре цехында берничә буш урын бар. Андрей абый кебек төз буласыгыз килсә, безгә языгыз, яхшылап аңлатырбыз.
