Вәҗиев Рамил Камил улы 1973 елның 27 сентябрендә Чаллы шәһәрендә туа. 1995 елда Казан мә­дәни­ят һәм сәнгать институтын (хәзерге университет) тәмамлагач, Татар академия театрына килә. Студент чагында Камал театры спектакльләрендә күмәк күренешләрдә катнаша. Төрле жанрда - лирик, көлкеле, сатирик рольләрдә уйный.

Рольләре: Шүрәле — «Җанкисәккәем» (Т.Миңнуллин); Убырлы карчык — «Сукыр патша» (Н.Хикмәт); Медведенко — «Акчарлак» (А.Чехов); Кабеш — «Җирән чичән һәм Карачәч сылу» (Н.Исәнбәт); Альфред — «Казан егетләре», Әмир — «Баскетболист» (М.Гыйләҗев); Хәзрәт — «Сөяркә» (Т.Миңнуллин); Серый — «Мәхәббәт хатирәсе» (Ф.Бүләков); Әсән — «Арзы кыз» (М.Тарухан); Салих — «Казан сөлгесе» (К.Тинчурин); Яхно — «Телсез күке» (З.Хәким); Прозоров — «Өч сеңел» (А.Чехов); Җәүдәт - «Суган чәчәге» (И.Зәйниев) һ.б.