Бөек Җиңүнең 80 еллыгына багышланган биографик драма. Әлеге әсәр Казан Мэриясенең «Алмачуар» балалар һәм яшүсмерләр аудиториясе өчен татар телендә язылган пьесалар конкурсында җиңү яулаган иде. Битләре тузган, саргайган иске көндәлек кемнеке? Аны кем, кайчан язган? Ул нинди серләрне һәм вакыйгаларны саклый? Киләчәккә ниләр әйтергә тели? Спектакльдә шушы сорауларга җавапны «Апуш»лылар – «Сәйдәш» мәдәният үзәгендәге төркемгә йөрүче 37 шәкерт әзерләде. Бөек Ватан сугышы чоры балаларының көндәлегенә күз саласыгыз киләме? Нинди булган ул чор балалары? Алар ниләр кичергән? Ерак вакыйгаларның кайтавазы «Көндәлек»тә. Бергәләп укырга чакырабыз!

 Пьесаның авторы – язучы Гөлүсә Батталова
Спектакльне сәхнәгә куючы режиссер – «Апуш» студиясе җитәкчесе, актерлык осталыгы
остазы Алия Фәйзрахманова.