Алты кызга бер кияү / Шесть невест, один жених
Автор: Туфан Миңнуллин
Комедия 2 бүлектә.Спектакль 2 сәгать 50 минут бара.
Спектакльнең премьерасы 2006 елның 7 нояберендә булды.
Театр репертуарында: 2006-2010.
Вакыйга бухгалтериядә бара. Андагы эш шактый бертөсле, бухгалтерия гомумән, күңелле вакыйгаларга саран җир. Әмма, монда, алты хатын-кыз эшләгән бухгалтериядә эшләр икенчерәк. Чөнки алты хатын-кыз янында бер бик җор холыклы, мәзәкчән, шаян телле, җыр сөюче, киң күңелле бер ир-ат та эшли. Халыкта шадра йөрәк яндыра дигән гыйбарә бар. Рәхмәтулла Хөрмәтуллович та, күрер күзгә бик алай чибәрләрдән булмаса да, кешеләрне үзенә тартып тора. Сөйкемле сөяге бар үзенең.
