Кичә С.Сәйдәшев исемендәге Зур концертлар залында Камал театры оркестрының "Театр & Музыка. Яхин" концерты булды. Сәхнәдә композитор турындагы җырлар, романслар һәм хатирәләр нигезендә Рөстәм Яхинның тормышы һәм иҗаты турында театраль-музыкаль тарих яңгырады. Тамашада катнаштылар: Татарстанның атказанган артистлары Ләйсән Рәхимова, Раил Шәмсуаров, Ирек Кашапов, Ришат Әхмәдуллин, шулай ук яшь артистлар Рәйхан Габдуллина һәм Айгөл Шәкүрова.

Оркестр белән фортепиано өчен концертны махсус кунак - пианист, халыкара конкурслар лауреаты Зөлфәт Фәхразиев башкарды. Театр оркестрының баш дирижеры һәм сәнгать җитәкчесе - Данияр Соколов.