Татарстан җәмәгатьчелеге тирән кайгы кичерә. Бүген 77нче яшендә танылган язучы, җәмәгать һәм дәүләт эшлеклесе, Татарстанның халык шагыйре, Татарстан Дәүләт Советының элеккеге депутаты, театрыбызның якын дусты Разил Вәлиев вафат.
Галиәсгар Камал исемендәге Татар дәүләт Академия театры коллективы туганнарының һәм дусларының тирән кайгысын уртаклаша. Ходай Сезгә олы хәсрәтегезне күтәрә алырдай көч, сабырлык бирсен! Җаны тыныч, урыны җәннәттә булсын! Театрыбызга һәрдаим ярдәм итеп, аның үсешенә зур өлеш керткән якын дустыбыз, тугры тамашачыбыз Разил Вәлиевнең якты истәлеге күңелләребездә мәңге сакланыр!