Кичә, 5 декабрьдә, Казанның 54нче мәктәбендә Г.Камал исемендәге Татар дәүләт Академия театры артистлары - Россиянең атказанган, Татарстанның халык артисты Дания Нуруллина, Татарстанның халык артисты Әсхәт Хисмәтов, Татарстанның атказанган артисты Эмиль Талипов белән иҗади очрашу үтте. Камаллылар татар театры тарихы турында, иҗат юлларының ничек башлануы, ничек дәвам итү хакында сөйләделәр. Чара истәлекле бүләкләр тапшыру һәм балаларны кызыксындырган сорауларга җавап бирү белән тәмамланды.