Бүген Г.Камал исемендәге Татар дәүләт Академия театрында ТР Мәдәният министрлыгының "Тантана 2020" Театр премияләрен тапшыру тантанасының онлайн-трансляциясе үтте.  Камал театры артистлары 3 номинациядә җиңү яулады.

«Дебют» -  Гатауллина Ләйсән Марат кызы - "Сүнгән йолдызлар" спектаклендәге Сәрвәр роле өчен

«Икенче пландагы иң яхшы ир-ат роле» - Сабирҗанов Алмаз Реваль улы - "Сүнгән йолдызлар" спектаклендәге Надир мәхдүм роле өчен;

«Иң яхшы хатын-кыз роле» - Хәмитова Люция Миннәхмәт кызы - "Санаулы кичләр" спектаклендәге Тамара роле өчен.

Ш.Закиров исемендәге (Камал театрының элекке директоры истәлегенә багышланган) премиягә  театрның мәгълүмати технологияләр бүлеге инженеры Хаҗиев Әхмәт Хаҗи улы лаек булды.