Бүген Саранскта Россия милли театрлары ассоциациясе линиясе буенча "Театр көзе" Россия милли театрларының бишенче фестивале кысаларында мәгърифәтчелек һәм эшлекле чаралар сериясе уза. Камал театры директоры Илфир Якупов Россия милли театрлары конференциясендә актив катнаша. Конференциянең төп темасы Ассоциациянең гамәлгә ашырылган, агымдагы һәм перспективалы проектларын тикшерү булды.

Кич белән, фестиваль кысаларында, Камал театры Саранскта Фәрит Бикчәнтәев куелышында "Исәнме, улым?!" спектаклен уйнаячак.