Бүген, Халыкара туган тел көнендә, Татар дәүләт филармониясендә татар әдәби әсәрләрен сәнгатьле укучыларның «TATAR сүзе» республикакүләм бәйгесенең бүләкләү тантанасы үтте. "Профессионаллар" Номинациясендә Камал театры артисты Фәннүр Мөхәммәтҗанов лауреат исеменә лаек булды. Фәннүрне җиңүе белән чын күңелдән котлыйбыз!
Бәйгенең максаты – татар телен һәм әдәбиятын пропагандалау, татар халкының тарихи-мәдәни хәзинәсен сакларга омтылу, милли мәдәният өлкәсендә китапның урынын һәм әһәмиятен билгеләү, татар әдәбиятына кызыксыну уяту, нәфис сүз юнәлешендә талантлы башкаручыларны барлау, аларның иҗади мөмкинлекләрен үстерү һәм профессиональ сәхнәгә чыгарга ярдәм итү.
Бәйгене Габдулла Тукай исемендәге Татар дәүләт филармониясе оештырды.