19 майда 11:00 сәгатьтә Россия театр эшлеклеләре берлеге "Театр һәм яңа чынбарлык. Тәкъдим ителгән шартлар." дигән темага онлайн-конференция үткәрә. Анда Россия театрлары җитәкчеләре карантин режимыннан чыгу юллары хакында фикер алышачак. Театрлар дәүләт тарафыннан нинди ярдәмгә өметләнәләр? Аларның тормышы ничек үзгәрәчәк? Конференциядә катнашучылар шушы һәм башка күп кенә сорауларга җавап бирәчәк.
Конференциядә катнашалар: РФ Театр эшлеклеләре берлеге рәисе Александр Калягин, РФ Театр эшлеклеләре берлеге сәркатибе, ТР Театр эшлеклеләре берлеге рәисе, Г.Камал исемендәге Татар дәүләт Академия театрының баш режиссеры Фәрит Бикчәнтәев, РФ Театр эшлеклеләре берлегенең регионнардагы бүлек рәисләре һәм Россия театрлары җитәкчеләре. Онлайн-конференция РФ Театр эшлеклеләре берлегенең мәгълүмати порталында http://stdrf.ru/ үтә. Шулай ук Театр эшлеклеләре берлегенең Facebook, ВКонтакте битларендә һәм YouTube-каналында да карарга мөмкин.