7-11 сентябрьдә Татарстан башкаласында XVIII Казан халыкара мөселман киносы фестивале уза. "Фарид Бикчантаев. В поисках свободы" документаль фильмы кинофестиваленең "Төрки дөнья" программасына кертелде. Программада Төркия, Казахстан, Үзбәкстан, Әзербайҗан, Кыргызстан һәм Россиядән картиналар бар.

"Төрки дөнья" программасына ике Татарстан фильмы керде. "Фарид Бикчантаев. В поисках свободы" - татар театрының баш режиссеры, халкының тамырларына таянып эшләүче интеллектуал турында", - дип сөйләде киновед, Фестивальнең сайлап алу комиссиясе әгъзасы Светлана Слапке.

Кинофестивальнең афишасы якын арада билгеле булачак. Без, һичшиксез, фильмның көне, вакыты һәм урыны турында хәбәр итәрбез. Яңалыкларны күзәтеп барыгыз!

Искәртеп узабыз, телевидениедә фильмның премьерасы 22 майда "Культура" федераль каналында булды. Фильм Камал театрының баш режиссерының 60 еллыгына багышлана һәм аның иҗат юлын чагылдыра.