3-9 июльдә Мәскәүдә «Россия креатив атнасы» фестиваль-форумы уза. Ел саен илнең креатив икътисады өлкәсендәге әлеге төп вакыйга үз мәйданчыгында меңләгән спикер һәм катнашучыларны җыя. Алар киләчәк креатив индустрияләр образы, үзебезнең продуктның көндәшлеккә сәләтлелеге турында фикер алыша.
Г.Камал исемендәге Театр директоры Илфир Якупов фестивальдә «Театр 2.0.: Сәхнәдә һәм сәхнә артындагы эшчәнлекне цифрлаштыру» сессиясе спикеры буларак катнашты. Ул театрдагы эш процессларын цифрлы трансформацияләү турындагы доклад белән чыгыш ясады.