Камал театрының интернет-кибетендә ике яңа товар пәйда булды: "Эзләп тапкан бәхет" китабы һәм "Әкияти "Туган тел" аудиокитабы. 
Китап, Г.Камал исемендәге Татар дәүләт Академия театры сәхнәсендә кабатланмас образлар тудырган, Россиянең атказанган, Татарстанның халык артисты Айдар Хафизовка багышлана. 
Аудиокитап өчен укучыларга аз таныш булган иң яхшы татар халык әкиятләре сайланды: “Хәсән һәм тылсымчы кызы”, “Яучы төлке”, “Аю Әппәс”, “Күренмәс чикмән”, “Һөнәрле үлмәс, һөнәрсез көн күрмәс”, “Зирәк кыз”, “Бака, тычкан, чабата”, “Башмак”. Әкиятләрне Татарстанның атказанган артисты Илнур Закиров укый, музыкаль бизәлешне Камал театры оркестры актрисасы Динә Закирова тәэмин итә.  
Китапның бәясе - 800 сум, аудиокитап- 400 сум. Онлайн-заказны театр сайты аша ясарга мөмкин.