Бу ни бу? Дөрес хәлме?
Барысы да дөрес. Без шундый спектакль спектакль уйлап таптык - бу спектакльдә сәхнәгә даими тамашачыларыбыз чыгачак. Сезгә беркемне дә уйнарга кирәкми - бары үз тәҗрибәгез турында гына сөйләргә. Бу форматны - персонаж белән тамашачылар арасында арадашчы артисттан башка спектакль - шаһитлар театры, шәһәрлеләр театры яки экспертлар театры дип тә атыйлар. Экспертлар, чөнки һәркем нәрсәдә дә булса эксперт. Без театр турында спектакль куярга телибез, ә театр буенча баш экспертлар — әлбәтта тамашачылар.

Ә нигә сезгә мондый спектакль?
Сез инде ишеткәнсездер, Камал театры тиздән яңа бинага күчә. Кем өчендер бу шатлыклы яңалык, кем өчендер күңелсез, кем өчендер борчулы. Тик ничек кенә булмасын, бу бер зур этапның ахыры һәм яңасының башы. Бу сезгә һәм үз-үзебезгә мөһим сораулар бирү өчен менә дигән вакыт. Урынга бәйле булмаса, Камал театры ул нәрсә? Тамашачылар өчен ул кай ягы белән мөһим? Ахыр чиктә, театр кемнәр өчен хезмәт итә?

Спектакльне кем куячак?
Режиссеры - Ксения Шачнева, ул шәһәрлеләр театры форматында берничә спектакль куйган инде. Сез аның «147» һәм «Чын татар» эшләрен «MOÑ» һәм «Угол»театр мәйданчыкларында күрә аласыз.

Катнашырга теләгән һәркемне алачаксызмы?
Юк, без кастинг оештырачакбыз һәм унга якын катнашучыны сайлап алачакбыз. Иң беренче сезгә анкета тутырырга кирәк. Иң кызыклы анкета авторлары белән без шәхсән аралашачакбыз. Безгә сезнең көчле тавышыгыз һәм халык алдында чыгыш ясый белүегез мөһим түгел — иң мөһиме, тамашачы буларак әйтер сүзегез булсын.

Мин эшемне ташлап репетицияләргә йөри алмыйм.
Беләбез. Шуңа күрә репетицияләр кич булачак, ә ял көннәрендә көндез. Якынча атнага ике тапкыр күрешәчәкбез.

Репетицияләр кайчан башлана?
8 сентябрьдән. Ә премьера октябрь урталарында.

Анкета
Аны электрон рәвештә тутырырга яки кулдан тутырып безнең кассага алып килергә мөмкин