Бүген Г.Камал исемендәге Татар дәүләт Академия театрында Дамир Сираҗиев исемендәге премия лауреатларын бүләкләделәр.
Бүген Г.Камал исемендәге Татар дәүләт Академия театрында Дамир Сираҗиев исемендәге премия лауреатларын бүләкләделәр.
Премиягә лаек булдылар:
Купъеллык нәтиҗәле иҗади хезмәте һәм Г.Камал исемендәге Татар дәүләт Академия театры үсешенә зур өлеш керткәне өчен - МИЛӘҮШӘ ШӘЙХЕТДИНОВА.
Купъеллык нәтиҗәле иҗади хезмәте һәм татар театры сәнгате үсешенә зур өлеш керткәне өчен ЕЛЕНА СОРОЧАЙКИНА.
Купъеллык нәтиҗәле иҗади хезмәте һәм татар театры сәнгате үсешенә зур өлеш керткәне өчен - ИЛГИЗ ЗӘЙНИЕВ.
1999 елдан бирле Татарстан Республикасы мәдәният министрлыгы һәм “Җыен” татар телен, сәнгатен саклау һәм үстерү фонды тарафыннан театр сәнгате өлкәсендә Дамир Сираҗиев премиясе тапшырылып килә. Шушы вакыт эчендә Татарстан, Россия һәм чит төбәкләрдән дистәләгән данлыклы театр эшлеклеләре әлеге премиягә ия булдылар.
