Г.Камал исемендәге Татар дәүләт Академия театры PROFкарта» һәм «LIGA club» студентлар программаларының партнерлары исемлегенә керде. Әлеге программада катнашучы Казан студентлары 114нче сезон спектакльләренә билетларны 25% ташлама белән сатып алу хокукына ия. Бу тәкъдим билетларны Камал театры кассасыннан алган очракта гына гамәлдә була. Касса адресы: Татарстан ур.,1. Телефоны: (843) 293-03-74.

«Камал театры яңа проектларга, яшьләр аудиториясенә һәрвакыт ачык. Без социаль челтәрләрдә дә актив эш алып барабыз, анда яшьләр өчен төрле акцияләр үткәреп торабыз. Мәсәлән, инде берничә ел рәттән "Студентлар чәршәмбесе" дигән акция бара. Акция шартлары буенча, кассада студент билеты күрсәтсәң, чәршәмбе көннәрендә булачак спектакльләргә 50% ташлама ясала, - дип сөйли Камал театры директоры Илфир Якупов. – Безнең өчен, даими тамашачыларыбыз белән генә чикләнмичә,  театрга яңа тамашачы китерү мөһим. Әлеге программада катнашу яшьләрдә милли мәдәниятебезгә карата кызыксынуны арттырыр дип өметләнәм».

Программа хакында тулырак әлеге сайтларда: https://profkarta.com/ һәм https://xn----9sbhtbhhc3e.xn--p1ai/