19 мартта Татарстан Республикасы мәдәният Министрлыгының «Тантана» ("Триумф") -2018 Театраль премиясен тапшыру турында Комиссия утырышы узды. Утырышта премиянең 11 номинациясендә катнашучылар исемлеге билгеләнде. «Тантана» - театр сәнгатендәге иҗади һәм иҗтимагый казанышлары өчен ел саен бирелүче профессиональ премия.

Г.Камал исемендәге Татар дәүләт Академия театры быел 8 номинациядә катнаша:

Ел вакыйгасы

- А.Гыйләҗевнең "Әтәч менгән читәнгә" спектакле, реж. Ф.Бикчәнтәев.

Иң яхшы ир-ат роле

- Искәндәр Хәйруллин, И.Юзеевның "Ак калфагым төшердем кулдан" спектаклендәге Тайфур Кормаш роле өчен, реж. Ф.Бикчәнтәев.

- Рамил Төхвәтуллин, А.Гыйләҗевнең "Әтәч менгән читәнгә" спектаклендәге Сәләхетдин роле өчен, реж.Ф.Бикчәнтәев.

Иң яхшы хатын-кыз роле

- Люция Хәмитова, С.Гаффарованың "Килмешәк" спектаклендәге Жоанна роле өчен, реж.Ф.Бикчәнтәев.

Икенче пландагы иң яхшы хатын-кыз роле

- Гөлчәчәк Гәйфетдинова, А.Гыйләҗевнең "Әтәч менгән читәнгә" спектаклендәге Вәзилә роле өчен, реж.Ф.Бикчәнтәев.

Икенче пландагы иң яхшы ир-ат роле

- Равил Шәрәфиев, А.Гыйләҗевнең "Әтәч менгән читәнгә" спектаклендәге Хәйретдин роле өчен, реж. Ф.Бикчәнтәев.

Актерлар ансамбле

- Әзһәр Шакиров, Рузия Мотыйгуллина, Айдар Хафизов, Наил Дунаев – И.Юзеевның «Ак калфагым төшердем кулдан» спектакле, реж. Ф.Бикчәнтәев.

- Рамил Төхвәтуллин, Минвәли Габдуллин, Илсөя Төхвәтуллина, Гүзәл Шакирова – А.Гыйләҗевнең «Әтәч менгән читәнгә» спектакле, реж.Ф.Бикчәнтәев.

Иң яхшы эпизодик роль

- Илдус Габдрахманов, И.Юзиевның «Ак калфагым төшердем кулдан» спектаклендәге Ратмир Закиевский роле өчен, реж. Ф.Бикчәнтәев

- Илнур Закиров, С. Гаффарованың «Килмешәк» спектаклендәге Хәйрулла, концлагерь башлыгы, тоткын, кафедагы хәрби рольләре өчен , реж. Ф.Бикчәнтәев

Дебют

- Эльвир Сәлимов, А.Гыйләҗевнең «Әтәч менгән читәнгә» спектаклендәге Мидхәт роле өчен, реж.Ф.Бикчәнтәев.

Премияне тапшыру тантанасы 27 март, 19.00 сәгатьтә Г.Камал исемендәге Татар дәүләт Академия театрының Зур сәхнәсендә уза. Билет сатып алу: kamalteatr.ru, 293-03-74.

Аккредитация үтү өчен элемтә: pr@kamalteatr.ru, 293-83-18, 89274464542.